თბილისის მერიაში განმარტავენ, რომ საფეხმავლო ხიდების მონტაჟი იმავე ლოკაციებზე, საიდანაც ისინი აიღეს, არ იგეგმება. წლის ბოლომდე 19 ხიდის დემონტაჟი მოხდება.
“ყველა ხიდი დემონტაჟის შემდეგ მიაქვთ მერიის სასაწყობე მეურნეობაში. თბილისში სულ 34 რკინის ხიდია, აქედან წლის ბოლომდე დაგეგმილია 19 ხიდის დემონტაჟი. უკვე აღებულია 9 ხიდი, დარჩენილი 10 ხიდის დემონტაჟი წლის ბოლომდე განხორციელდება. ყველა ხიდის ადგილზე, მოსახლეობის უსაფრთხოდ გადაადგილებისთვის, შუქნიშნებით რეგულირებული ქვეითთა ერთდონიანი, ზებრა გადასასვლელები მოეწყობა. რაც შეეხება ხიდებს, რომლის დემონტაჟიც უკვე განხორციელდა, საჭიროების შემთხვევაში, ცალკეულ ქუჩებზე შესაძლოა, ისევ დამონტაჟდეს“,-ნათქვამია მერიის განცხადებაში