თბილისში, დიდუბის ავტოსადგურთან ერთმანეთს სამი ავტომობილი და მოტოციკლი შეეჯახა. შემთხვევის შედეგად სამი ადამიანი დაშავდა. სასწრაფო სამედიცინო დახმარების ბრიგადამ ისინი თბილისის სხვადასხვა კლინიკებში გადაიყვანა.
ერთ-ერთ დაშავებულს სასწრაფო ოპერაცია დასჭირდა. მედიკოსების ინფორმაციით, მათ სიცოცხლეს საფრთხე არ ემუქრება. მომხდარ ფაქტთან დაკავშირებით, მიმდინარეობს გამოძიება.