კრემლში გამართული პუტინ-ერდოღანის შეხვედრის თაობაზე პოლიტოლოგი და ჟურნალისტი ევგენი პრომაკოვი ექსპრეს-შეფასების ფორმატში საკუთარ ფეისბუკ-გვერდზე წერს:
- “ძირითადი წინააღმდეგობები სირიის გარშემო არ არის მოხსნილი;
- ფრენებისთვის აკრძალული ზონა არ დაწესდა;
- სექტორს შიგნით მოქმედი შეიარაღებული ჯგუფების და არაოფიციალური მებრძოლების სტატუსზე საუბარი არ შემდგარა, ეს საკითხი ასტანის და სოჭის წინა შეთანხმებებზე იქნა განხილული. თუმცა რაღაც შეთანხმებას მიაღწიეს დახურულ კარს მიღმა;
- ვლადიმირ პუტინი მიგანტების ურდოებისგან ევროპის გადამრჩენის როლში მოქმედებს. მიგრანტების საკითხზე ერდოღანი პუტინთან საუბრობს და არა მერკელთან. ლტოლვილთა უკან დაბრუნების პრიორიტეტი აღნიშნულ იქნა;
- პირდაპირი შეჯახება არ იქნება, თუმცა კრიზისები განმეორდება;
- დამასკოს კონტროლს ქვეშ ექცევა ტრასა М-5, რაც ნიშნავს უძლიერეს ბიძგს ეკონომიკის აღდგენისთვის და მთლიანობაში ქვეყანაზე კონტროლის დამყარებისთვის, განსაკუთრებით, მის ჩრდილოეთ ნაწილში;
- ტრასა დასავლეთი-აღმოსავლეთი (ლატაკია-ალეპო) თანდათანობით გაიხსნება, ალბათ უფრო შემდეგი კრიზისის მოგვარების შედეგად;
- ანკარასა და დამასკოს შორის ურთიერთობების აღდგენა ჯერ არ მოხდება. სამაგიეროდ, ძალზე რეალურია, რომ ურთიერთობები აღდგება დამასკოსა და ქურთებს შორის.
ჯერ-ჯერობით, მოკლედ, ეს არის” – წერს რუსი ექსპერტი.