შემთხვევათა რაოდენობა იმაზე მეტია ვიდრე ერთეული, მგრამ პოზიტიური ისაა, რომ ამ შემთხვევების კლასტერი ცნობილია და ერთ წყაროსთან არის კავშირში, – ამის შესახებ ინფექციონისტმა მაია ბუწაშვილმა „ტვ. პირველის“ ეთერში განაცხადა.
„ეს ყოველთვის იმედისმომცემია, რადგან კონტროლირებადია სიტუაცია. ჩვენ ყოველთვის გვაშინებს ისეთი შემთხვევები, რომელიც უცნობ წყაროსთან არის ასოცირებული. ამ დროს არის რისკი იმისა, რომ უკონტროლო გავრცელება ხდება. დღემდე კონტაქტების კვლევა შესაძლებელია, რადგან ახალი შემთხვევები, ცნობილ კლასტერებთანაა ასოცირებული. ამ დროს უკვე ადვილია ამ სიტუაციის მართვა“, – აღნიშნა მაია ბუწაშვილმა.
შეგახსენებთ, რომ თბილისში, საბურთალოს რაიონის ერთ-ერთ კორპუსში 8 ადამიანს covid19 დაუდასტურდა.