მსოფლიოს ყველაზე სწრაფი სუპერკომპიუტერის ტიტული იაპონურმა Fugaku-მ მოიპოვა, რომელიც კორონავირუსის წინააღმდეგ ბრძოლაშია ჩართული. ამის შესახებ BBC წერს.
კერძოდ, Fugaku-ს სუპერკომპიუტერი 2.8-ჯერ უფრო მეტ კალკულაციას ასრულებს წამში, ვიდრე აშშ-ში შექმნილი IBM-ის სუპერკომპიუტერი. ეს ნიშნავს იმას, რომ იაპონურმა სუპერკომპიუტერმა სძლია ამერიკულს. შედეგად იაპონიამ პირველად ბოლო 11 წლის განმავლობაში მოწინავე პოზიციაზე გადაინაცვლა.
გარდა ამისა, იაპონური Fugaku ჩართულია კორონავირუსის წინააღმდეგ ბრძოლაში, ის მოდელირებას აკეთებს იმის, თუ როგორ ვრცელდება საოფისე სივრცეებში წვეთები.
ერთი ოთახის ზომის მოწყობილობა ქალაქ კობეშია განთავსებული. მას იაპონური ტექნოლოგიური კომპანია Fujitsu და Riken Institute-ი ექვსი წლის განმავლობაში ქმნიდნენ.
ავტორი: თამთა ჯიჯავაძე
წყარო: bm.ge