მსოფლიო ბანკის სტატისტიკა და პროგნოზი – საქართველო კავკასიაში მაჩანჩალის პოზიციაზეა!

მსოფლიო ბანკის დასკვნით, კავკასიის რეგიონში ყველაზე უფრო მეტად საქართველო დაზარალდა კორონავირუსობანას თამაშით.

რა თქმა უნდა, “კორონავირუსობანას თამაში” მსოფლიო ბანკის ტერმინი არ გახლავთ, მაგრამ აი რას ამბობენ ბანკის სპეციალისტები:

გაკეთებული გათვლებით, საქართველო 2021 წელსაც ვერ აღიდგენს 2019 წლის ეკონომიკის დონეს, აზერბაიჯანი და სომხეთი კი მცირე, მაგრამ მაინც დადებით შედეგს აჩვენებენ. საქართველოს ეკონომიკის მოცულობა ძალიან დიდი ტემპებით მცირდება – ივნისის თვეში საქართველოს მშპ 4.8%-ით შემცირდა მაშინ, როდესაც სომხეთის 2,8%-ით, აზერბაიჯანის კი მხოლოდ 2,6%-ით. საქართველომ წელს 1 მილიარდი დოლარის ცოცხალი შემოსავალი უკვე დაკარგა და, უკეთეს შემთხვევაში, კიდევ 1 მილიარდს დაკარგავს წლის ბოლომდე. ეს ერთი წლის ბიუჯეტის დაახლოებით 2/3-ია. მშპ-ს წლიურ ვარდნაში საქართველო სავალალო ლიდერი იქნება 9 პროცენტით (სომხეთი -8%, აზერბაიჯანი მხოლოდ -5%).