რაჭაში, სტიქიის შედეგად, გარესამყაროს მოწყვეტილ ორ სოფელს, გლოლასა და შოვს ელექტროენერგიის მიწოდება აღუდგა.
დღეს, დილიდან დაიწყო სოფელ ლანგვანთაში ჩამოშლილი ხიდზე ორი სექციის სამონტაჟო სამუშაოები.
დროებითი გადასასვლელი მოეწყო ქუთაისი (ჭომა)-ალპანა-მამისონის უღელტეხილის საავტომობილო გზის 128-ე კმ-ზე და შესაძლებელი გახდა სამუშაოების დაწყება 129-ე კმ-ზე ჩაშლილი გზის დროებით აღსადგენად, ხოლო საკაოს ხეობაში, სოფელ ხიდეშლებთან დამაკავშირებელ გზაზე, მძიმე ტექნიკის გამოყენებით, უკვე ატანილია სარმის 2 ნაწილი. დარჩენილი 3 ნაწილის ატანის შემდეგ დაიწყება იმ ერთადერთი ხიდის მონტაჟი, რომელიც ხეობის ორ სოფელს ქალაქ ონთან აკავშირებს.
დღის მეორე ნაწილიდან უკვე შესაძლებელი იქნება მოძრაობა სოფელ ჟამიერეთის მიმართულებით.
უგზოობის პერიოდში, აღნიშნულ სოფელში მოსახლეობისათვის საკვების და საჭირო ნივთების მიწოდება მაშველების დახმარებითა და საბაგირო გზის გამოყენებით ხორციელდებოდა.
საკაოს ხეობაში, გზის გარეშე მყოფი მოსახლეობა აცხადებს, რომ ხელისუფლების მხრიდან ხეობას შესაბამისი ყურადღება ექცევა.
6 დღის წინ ღვარცოფმა რაჭის რეგიონს მნიშვნელოვანი ზიანი მიაყენა. სტიქიამ ონის მუნიციპალიტეტის 12 სოფელი გარე სამყაროს მოწყვიტა, დაზიანდა ცენტრალური გზის რამდენიმე მონაკვეთი. სტიქიით მიყენებული ზარალი დაახლოებით 50 მილიონ ლარს შეადგენს.
“იმედინიუსი”