დიმიტრი პესკოვის თქმით, ბელარუსში მიმდინარე მოვლენებში უცხო ქვეყნების ჩარევის ფაქტები შეინიშნება

რუსეთის პრეზიდენტის პრესმდივნის, დიმიტრი პესკოვის თქმით, ბელარუსში მიმდინარე მოვლენებში უცხო ქვეყნების ჩარევის ფაქტები შეინიშნება.

„არსებულ ვითარებაში მთავარია, რომ არ იყოს არანირი ჩარევა, სამწუხაროდ, ასეთი ჩარევის მცდელობას ადგილი აქვს“, – განაცხადა დიმიტრი პესკოვნმა.

რუსეთის პრეზიდენტის პრესმდივანს ჟურნალისტებმა მაგალითების მოყვანა სთხოვეს, რაზეც პესკოვის პასუხი ასეთი იყო: „ყველაფერი ვთქვი, რისი თქმაც მინდოდა“.

დიმიტრი პესკოვმა ბელარუსისთვის შესაძლო სამხედრო დახმარების აღმოჩენაზეც გააკეთა კომენტარი, პესკოვი ამბობს, რომ ამის საჭიროება არ არსებობს.

“1არხი”