დედაქალაქის მეტროპოლიტენში სარემონტო სამუშაოები ერთ წელიწადზე მეტხანს მიმდინარეობდა. სამუშაოების დროულად დასრულებას კორონავირუსის პანდემიამ შეუშალა ხელი
თბილისის მეტროპოლიტენი 21 სექტემბრიდან მუშაობის უწინდელ გრაფიკს დაუბრუნდება. ამის შესახებ თბილისის სატრანსპორტო კომპანიის პრეს–სამსახურიდან იტყობინებიან.
ორ კვირაში თბილისის მეტრო კვლავ იმუშავებს დილის 6 საათიდან ღამის 12 საათამდე, როგორც ეს სარემონტო სამუშაოების დაწყებამდე, 2019 წლის ივნისამდე იყო.
გასული წლიდან მეტროში მაღალი ძაბვის კაბელების შეცვლის, სიგნალიზაციისა და სავენტილაციო სისტემების მოდერნიზაციის სამუშაოები მიმდინარეობდა. ამის გამო მეტრო შემცირებული გრაფიკით – ღამის 11 საათამდე მუშაობდა.
ამჟამად თბილისის მეტროპოლიტენი ორ ხაზზე – ახმეტელი-ვარკეთილისა და საბურთალოს ხაზებზე 23 სადგურს ითვლის. ხაზების საერთო სიგრძეა 57 კილომეტრი (პირველი ხაზი – 40 კმ, მეორე – 17 კმ).
“სპუტნიკი”