კორონავირუსით გამოწვეული ეკონომიკური ზარალი, 2021 წლისთვის მსოფლიო მასშტაბით, 7 ტრილიონ ამერიკულ დოლარს მიაღწევს. ასეთ პროგნოზს ეკონომიკური თანამშრომლობისა და განვითარების ორგანიზაციაში აკეთებენ.
“ჩვენ შევცვალეთ პროგნოზები 2021 წლისთვის. მსოფლიო ეკონომიკა ვერ აღდგება იმაზე სწრაფად, ვიდრე ჩვენ ვვარაუდობდით.
ჩვენ ვირუსთან ერთად ცხოვრება კიდევ ბევრი თვე მოგვიწევს. 2021 წლის ბოლოსთვის მსოფლიოს მთლიანი შიდა პროდუქტის ზარალი 7 ტრილიონი დოლარი იქნება. ეს სერიოზული რყევაა”, – განაცხადა ეკონომიკური თანამშრომლობისა და განვითარების ორგანიზაციის მთავარმა ეკონომისტმა ლორანს ბუნმა.
წყარო: bm.ge