რა ეკრძალებათ ორსულ ქალებს: ხალხური ცრურწმენები და მეცნიერული ახსნა

არ უნდა ჭრას, კეროს, ქსოვოს და ქარგოს, თორემ ბავშვი ჭიპლარშემოხვეული დაიბადება.
მეცნიერული ახსნა: ჭრა-კერვის დროს ქალმა შეიძლება თითი გაიჭრას ან ნემსი იჩხვლიტოს, ეს კი შიშთან და ტკივილთანაა დაკავშირებული და ნაყოფის ემოციურ მდგომარეობაზეც მოქმედებს. ამასთან, არ გამოირიცხება კავშირი დედისა და ბავშვის კანს შორის;

არ უნდა უყუროს სხვადასხვა ტიპის სიმახინჯეებს, თორემ ბავშვიც ასეთი დაიბადება.
მეცნიერული ახსნა: გამომდინარე ფეხმძიმის ემოციური მდგომარეობიდან, მან თავი უნდა აარიდოს მძიმე და უსიამოვნო სურათებსა და სცენებს. თორემ ეს ნამდვილად იმოქმედებს ბავშვის ხასიათზეც და, თქვენ წარმოიდგინეთ, გარეგნობაზეც.

უნდა ეცადოს, შეძლებისდაგვარად დიდხანს დამალოს ორსულობა, თორემ მუცელი წაუხდება.
ახსნა: უარყოფითი ენერგეტიკა, მაგალითად, შური, ზიანს აყენებს არა მარტო დედას, არამედ მუცლადმყოფ ბავშვსაც;

არ უნდა შეიჭრას თმები – ძველების რწმენით, სწორედ თმაშია ადამიანის სასიცოცხლო ძალა და ძირიდან ბოლოებამდე გაჯერებულია სასარგებლო ნივთიერებებით. ამიტომ სულ ცოტათი მოჭრითაც კი, ორსული ორგანიზმს დამატებით „საკვებს“ უსპობს;

არ უნდა შეიღებოს თმები, თორემ ბავშვი სხეულზე ლაქებით დაიბადება.
მეცნიერული ახსნა: დადასტურებულია, რომ ქიმიური ელემენტები დედის ორგანიზმში აღწევს და ამის გამო ბავშვი შეიძლება ალერგიული დაიბადოს;

არ უნდა იჯდეს ხოლმე კარის ზღურბლზე და არ უნდა დააბიჯოს მას შინიდან გასვლისას ან შესვლისას. ეს იმიტომ რომ ზღურბლი ერთგვარი საზღვარია ამიერ და იმიერ სამყაროებს შორის და ცუდის მომასწავებელია.
მეცნიერული ახსნა: კარის ზღურბლზე ჯდომა ნიშნავს იმას, რომ ორსული ქალი ორპირ ქარში მოხვდება, რაც მისთვის საზიანოა;

არ უნდა გადააბიჯოს არანაირ დაბრკოლებას, ჯოხს, თოკს და ა.შ.თორემ ბავში დახიანდება.
ახსნა: სავარაუდოდ, წინაპრები ამით იცავდნენ ორსულებს ზედმეტად ფართო და მკვეთრი ნაბიჯების გადადგმისგან, რასაც ხიფათი შეიძლებოდა მოჰყოლოდა;

არ უნდა ჭამოს წითელი ფერის კენკრა, თორემ ბავშვი ზედმეტად წითელი გამოვა.
მეცნიერული ახსნა: დიდი რაოდენობით წითელი კენკრის ჭამის შემთხვევაში დედა რისკავს, რომ პატარა დიათეზიანი დაიბადოს;

არ უნდა აიყვანოს ხელში კატა, თორემ მტერს გაიმრავლებს.
მეცნიერული ახსნა: სწორედ კატა შეიძლება იქცეს ტოქსოპლაზმოზის წყარო, რაც ორსულის ერთ-ერთი ყველაზე დიდი მტერია;

არ უნდა იჯდეს ფეხიფეხზე გადადებული ან ფეხგადაჯვარედინებული, თორემ ბავშვი აცაბაცა იბაჯბაჯებს.
მეცნიერული ახსნა: ფეხმძიმე ქალმა ფეხების ასეთ მდგომარეობას ნამდვილად უნდა აარიდოს თავი, რათა სისხლის მიმოქცევა არ გაუარესდეს და ვენების ვარიკოზული გაფართოება არ წარმოიშვას;

არ უნდა ჭამოს მალულად, თორემ მფრთხალი, მშიშარა შვილი ეყოლება. ახსნა: როგორც ჩანს, ეს მინიშნება სპეციალურად ავი დედამთილებისთვის მოიგონეს, რომლებიც რძლების გაძლიერებულ მადას ამრეზით უყურებდნენ.