დღეს ქუთაისის საერთაშორისო უნივერსიტეტი სტუდენტების პირველ ნაკადს მიიღებს. უნივერსიტეტის გახსნის ცერემონიალზე პირველკურსელები საზეიმო ფიცს დადებენ.
ქუთაისის საერთაშორისო უნივერსიტეტი 153 ჰექტარ მიწაზეა გაშენებული და მოიცავს ულტრათანამედროვე აკადემიურ კორპუსებს, ბიბლიოთეკებს, კაფეტერიებს, კეთილმოწყობილ სასპორტო და საგზაო ინფრასტრუქტურას, საერთო სამუშაო სივრცეს, სტუდენტურ საცხოვრებლებს, ასევე საცხოვრებლებს აკადემიური და ადმინისტრაციული პერსონალისთვის.
ქუთაისის საერთაშორისო უნივერსიტეტის შექმნის იდეა ეკუთვნის „ქართული ოცნების“ თავმჯდომარეს ბიძინა ივანიშვილს და მის ოჯახს, ხოლო ფონდი „ქართუ“ ქუთაისის საერთაშორისო უნივერსიტეტის პროექტის განვითარებაში ერთ მილიარდ ევროზე მეტ ინვესტიციას დებს.
“იმედინიუსი”