ბათუმში უსკოს მიმდებარე ტერიტორიაზე „ალტერნატივასა” და „იმოქმედეს” წევრებმა აქცია პერფორმანსი მოაწყეს.
აქციის მონაწილეებმა შენობის კედელზე სტიკერები გააკრეს წარწერით „ხმების ქურდები”, ასევე მიიტანეს სიმბოლური სერტიფიკატი უსკოს თავმჯდომარეზე გადასცემად და ჰელიუმის ბუშტები გაუშვეს, რომლებზეც სხვადასხვა წარწერები გააკეთეს და შემაჯამებელი ოქმი მიამაგრეს.
ისინი უსკოს თავმჯდომარე პარმენ ჯალაღონიასთან შეხვედრას ითხოვდნენ
„ჭორვილადან ბიძინა ივანიშვილმა გამოუგზავნა მთავარ გამყალბებელს პარმენ ჯალაღონიას სერთიფიკატი და ჩვენ ახალგაზრდებს გვინდა, რომ გადავცეთ. პოლიცია არ გვცემს პასუხს, არც შენობაში გვიშვებენ და არც ჩვენთან შესახვედრად არ გამოდის. უბრალოდ გვინდა შევიდეთ და პირადად გადავცეთ სერთიფიკატი. ეს არის მესიჯი, რომ ერთ-ერთი მთავარი გამყალბებელი ბათუმში არის ის და უნდა დავასაჩუქროთ“- აცხადებს აქციის ერთ-ერთი მონაწილე.
შეგახსენებთ, უსკოში დღეს გამართულ სხდომაზე უმაღლესმა საარჩევნო კომისიამ მიიღო არჩევნების შედეგების საბოლოო შემაჯამებელი ოქმი.
წყარო: ptn.ge