როგორც ცნობილი ხდება ფეისბუქი კორონავირუსის შესახებ საკუთარ პოლიტიკას აახლებს — წაშლის ცრუ პოსტებს მომავალი ვაქცინების შესახებ.
თითქოს რაღაც ახალი ხდებოდეს, მეტიც, არა მხოლოდ კორონავირუსთან დაკავშირებით, არამედ ლიბერალური სამყაროსთვის მიუღებელ და მათ საწინაარმდეგო გზავნილებს, პროფილებს თუ გვერდებს, ფეისბუქი უკვე დიდი ხანია ებრძვის და ხშირ შემთხვევაში აუქმებს კიდეც მათ. ამის არაერთი მაგალითი არსებობს. ყველაფერი კი იმით დაიწყო, რომ ფეისბუქმა საქართველოში შექმნა თავისი წარმომადგენლების, უფრო მართებული იქნება ვთქვათ “ვასალების” ჯგუფი, ცენზორები, რომლებიც ერთპიროვნულად წყვეტენ რომელი გზავნილი, გვერდი თუ მომხმარებელია დასამბლოკი თუ საერთოდ მოსაშორებელი ფეისბუქიდან. ცხადია, ამ საქმიანობისთვის ფეისბუქმა სწორედ ლიბერალური აზროვნების და მენტალიტეტის არასამთავრობო ორგანიზაცია აირჩია, რომელსაც ჩემი ინფორმაციით ცნობილი “ლიბერასტი” თამარ კინწურაშვილი ხელმძღვანელობს.
მსგავსი: „აბსოლუტურად შესანიშნავი“ — Moderna-ს ვაქცინამ COVID-19-ის გამწვავებისგან ცდის ყველა მონაწილე დაიცვა #1tvმეცნიერება
სოციალური მედიის გიგანტი ჯანდაცვის ექსპერტების მიერ მხილებულ დეზინფორმაციას მონიტორინგს ინსტაგრამზეც გაუწევს.
ახალი წესების შემოღების საჭიროება ვაქცინების მოახლოებასთან ერთად დადგა, რასაც სოციალურ მედიაში თან მოჰყვა დეზინფორმაციის ტალღაც.
„მათ შორის იქნება ცრუ ცნობები ვაქცინების უსაფრთხოების, ეფექტიანობის, ინგრედიენტებისა და გვერდითი ეფექტების შესახებ. მაგალითად, წავშლით ისეთ ყალბ ცნობებს, როგორებიც არის თუნდაც ის, რომ COVID-19-ის ვაქცინა მიკროჩიპებს ან რაღაც ისეთს შეიცავს, რაც შემადგენლობის ოფიციალურ სიაში არ არის მოხსენიებული“, — წერს ფეისბუქი განცხადებაში.
განცხადებაში ასევე ნათქვამია, რომ ფეისბუქი წაშლის COVID-19-ის შესახებ არსებულ კონსპირაციულ თეორიებსაც, მაგალითად ისეთს, თითქოს გარკვეული ჯგუფები ვაქცინების ტესტირებას მოსახლეობის ერთ ნაწილზე აკეთებენ თავისდა სასარგებლოდ.
„გამომდინარე იქიდან, რომ COVID-19-ის ვაქცინების შესახებ ფაქტები ჯერ ახლა ქვეყნდება და ასე გაგრძელდება, რეგულარულად მოვახდენთ ისეთი პოსტების წაშლას, რომლებიც მოცემულ მომენტში ჯანდაცვის უწყებათა სახელმძღვანელოებთან არ იქნება შესაბამისობაში“, — წერს ფეისბუქი.
მარტიდან ოქტომბრამდე, ფეისბუქმა და ინსტაგრამმა COVID-19-თან დაკავშირებული 12 მილიონი დეზინფორმაციული პოსტი წაშალეს.
აპრილში სოციალურმა ქსელმა 50 მილიონ პოსტს დაადო დეზინფორმაციის შესახებ გამაფრთხილებელი აღნიშვნა; იმ მომხმარებელთა 95 პროცენტმა, რომლებმაც ეს აღნიშვნა იხილეს, ბმული აღარ გახსნეს.
მარტიდან ოქტომბრამდე ფეისბუქმა ასეთი აღნიშვნა სულ 167 მილიონ პოსტს დაადო.
კონსტანტინე ჩიკვილაძე