გეითსი – ამ ყველაფრისგან ჩვენ გაკვეთილი უნდა ვისწავლოთ. შემდეგი პანდემია შეიძლება ათჯერ კიდევ უფრო უარესი იყოს, მაგრამ ჩვენ ამისთვის ჯერ მზად არ ვართ!
პანდემიები ახალი რეალობის ნაწილია, ისევე როგორც მსოფლიოში არსებობს მიწისძვრები, ტორნადოები და კლიმატის ცვლილებები – The Guardian-ის ინფორმაციით, ამის შესახებ Microsoft-ის დამფუძნებელმა ბილ გეითსმა გერმანულ გამოცემა Süddeutsche Zeitung-თან ინტერვიუში განაცხადა.
გეითსმა გადაწყვეტილების მიმღები პირები გააკრიტიკა იმის გამო, რომ მოსალოდნელი პანდემიის შესახებ არაერთგზის გაფრთხილების მიუხედავად, ისინი კოვიდ 19-სთვის მზად არ აღმოჩნდნენ.
“ამ ყველაფრისგან გაკვეთილი უნდა ვისწავლოთ. შემდეგი პანდემია შეიძლება ათჯერ უარესი იყოს, მაგრამ ჩვენ ამისთვის მზად არ ვართ” – აღნიშნა ბილ გეითსმა.
მან ქვეყნების კოორდინირებულად მოქმედების მნიშვნელობასაც გაუსვა ხაზი და აღნიშნა, რომ პანდემიის წინააღმდეგ მარტო ბრძოლას ვერცერთი ქვეყანა შეძლებს.
წყარო: newposts.ge