ვლადიმირ პოზნერის სტუმრებმა სასტუმრო რუმსი დღეს დილით, დაახლოებით 06:00 საათზე დატოვეს.
ისინი პოლიციიამ აქციის მონაწილეთა შეძახილების ფონზე გააცილა.
flightradar24-ის მონაცემებით, “Georgian Airways-ის” თვითმფრინავი რუსეთის მიმართლებით თბილისიდან ზუსტად 8 საათზე გაფრინდა.
მანამდე, ვლადიმერ პოზნერმა რუსულ რია ნოვოსტს განუცხადა, რომ შესაძლებელი იყო მისი ვიზიტი საქართველოში დაგეგმილზე ადრე დასრულებულიყო.
რუსი ჟურნალისტი საქართველოში 40 თანმხლებ პირთან ერთად გუშინ ჩამოვიდა. მისი განცხადებით, ის საკუთარი დაბადების დღის აღნიშვნას გეგმავდა.
პოზნერი თავდაპირველად სასტუმრო ვინოტელში მივიდა, საპროტესტო აქციისა და აქციის მონაწილეთა მიერ შენობისთვის შუქის გათიშვის შემდეგ, შსს-ომ ისინი სასტუმრო რუმსში გადაიყვანა.
მანამდე სასტუმრო ვინოტელი შრომის ინსპექციამ პანდემიისას დაწესებული თავშეყრის რეგულაციების დარღვევის გამო 10 000 ლარით დააჯარიმა.
გუშინ ღამით მოძრაობა დროას ლიდერი, ელენე ხოშტარია მოქალაქეებს დილით 11:00 საათზე შეკრებისკენ და პროტესტში ჩართვისკენ მოუწოდებდა.
აქციის მონაწილეთა ნაცხადებით, ვლადიმირ პოზნერი არ აღიარებს საქართველოს ტერიტორიულ მთლიანობას და იგი ქვეყანაში არ უნდა შემოეშვათ.
“ნეტგაზეთი”