ჯანდაცვის მსოფლიო ორგანიზაციის განცხადებით, გასულ კვირას მსოფლიოში კოვიდის ახალი შემთხვევებისა და სიკვდილიანობის მაჩნვენებელმა იკლო.
ინფორმაციას ამის შესახებ CNN-ი ავრცელებს.
ჯანმოს ინფორმაციით, გასულ კვირას მსოფლიოში კოვიდის 4,1 მილიონი ახალი შემთხვევა დაფიქსირდა, რაც წინა კვირის მაჩვენებელზე 14%-ით ნაკლებია.
რაც შეეხება სიკვდილიანობის მაჩვენებელს, გასულ კვირებთან შედარებით, 2%-თაა შემცირებული.
ჯანმოში აცხადებენ, რომ ახალი შემთხვევები და სიკვდილიანობის მაჩვენებელი, გასული კვირის განმავლობაში, ყველაზე მეტად ევროპის რეგიონში შემცირდა. მნიშვნელოვანი კლება დაფიქსირდა სამხრეთ-აღმოსავლეთ აზიის რეგიონშიც.
– “გასული 4 კვირის განმავლობაში, ვირუსის ახალი შემთხვევებისა და სიკვდილიანობის მაჩვენებლის კლების ტენდენციის მიუხედავად, კოვიდსტატისტიკა მაინც მაღალია. ზოგიერთ ქვეყანაში მაჩვენებლები ზრდადობის ტენდენციით გამოირჩევა“ – აცხადებენ ჯანმოში.
წყარო: bm.ge