ვირუსით სიკვდილიანობის თითქმის ყველა შემთხვევა ახლა უკვე არავაქცინირებულ პირებზე მოდის

Associated Press: აშშ-ში კორონავირუსით სიკვდილიანობის თითქმის ყველა შემთხვევა ახლა უკვე არავაქცინირებულ პირებზე მოდის.

აშშ-ში კორონავირუსით სიკვდილიანობის თითქმის ყველა შემთხვევა ახლა უკვე არავაქცინირებულ პირებზე მოდის. ინფორმაციას ამის შესახებ საინფორმაციო სააგენტო Associated Press-ი ავრცელებს.

Associated Press-ის მიერ მაისის მონაცემების ანალიზმა ცხადყო, რომ სრულად ვაქცინირებული 853 000 ადამიანიდან, რომლებიც ვირუსით დაინფიცირდენენ, დაავადების მძიმე ფორმა მხოლოდ 1 200-ს გამოუვლინდა, რაც 0.1%-ს შეადგენს.

გარდა ამისა, მაისში კორონავირუსით სიკვდილიანობის 18 000-ზე მეტი შემთხვევიდან მხოლოდ 150 შემთხვევა დაფიქსირდა სრულად ვაქცინირებულ ადამიანებში, რაც გარდაცვლილთა 0,8%-ს შეადგენს.

აღსანიშნავია, რომ Associated Press-მა დაავადებათა კონტროლისა და პრევენციის ცენტრის მიერ მოწოდებული მონაცემები გააანალიზა.

19 ივნისს აშშ-ის პრეზიდენტმა, ჯო ბაიდენმა განაცხადა, რომ კორონავირუსი არავაქცინირებული ადამიანებისთვის სერიოზულ და სასიკვდილო საფრთხედ რჩება.

ჯო ბაიდენმა ამერიკელებს დაჟინებით მოუწოდა, სრული ვაქცინაცია გაიარონ, რათა თავი დაიცვან კორონავირუსის ვარიანტებისგან, განსაკუთრებით ე.წ. ინდური შტამისგან.

წყარო: ptn.ge