აშშ-ში დაანონსეს გეგმა, რომელიც პასპორტში მესამე გენდერული ვარიანტის, “გენდერი X”-ის ჩასმას გულისხმობს. აღნიშნულის შესახებ ქვეყნის სახელმწიფო მდივანმა, ენტონი ბლინკენმა განაცხადა. მისივე განმარტებით, მამაკაცისა და ქალისგან განსხვავებული გენდერული ვარიანტის პასპორტში დამატებას გარკვეული დრო დასჭირდება.
ასევე ბლინკენმა აღნიშნა, რომ შეიცვალა წესი, რომლის თანახმადაც ადამიანს თავად შეეძლება აირჩიოს, რას მიუთითებს სქესად პასპორტში – ქალს, თუ მამაკაცს. აქამდე საჭირო იყო სამედიცინო ცნობა და დაბადების მოწმობა, სადაც ადამიანის სქესი იყო განსაზღვრული.
“ამ ქმედებით მე გამოვხატავ ჩვენს მუდმივ ვალდებულებას LGBTQ საზოგადოების მიმართ და წინ მივდივართ“, – ამბობს ბლინკენი.
აღსანიშნავია, რომ გასულ კვირას პრეზიდენტმა ჯო ბაიდენმა დანიშნა სპეციალური, საგანგებო აგენტი, რომლის მიზანის ლგბტ თემის უფლებათა დაცვაა მთელს მსოფლიოში.
აღსანიშნავია, რომ უკვე არსებობს რამდენიმე ქვეყანა, რომლებსაც ოფიციალურ დოკუმენტებში აქვთ მამაკაცისა და ქალის გარდა სხვა ვარიანტები. მაგალითად, ნიდერლანდების სამეფოში გენდერული თვალსაზრისით პირველი, ნეიტრალური პასპორტი 2018 წელს გაიცა. წყარო: BBC.com (მოამზადა: “ინტერპრესნიუსი”)
საინტერესოა, “ქართველი ვაჟკაცების” ის ნაწილი, რომელიც ამერიკას “ჰყვარობს” და მისი იმედი აქვს, აფხაზეთში და შიდა ქართლში დაგვაბრუნებსო, – ამ სისულელეს კვლავაც დაიჯერებს?!