რომის პაპი ყველას მოუწოდებს, კორონავირუსის საწინააღმდეგო ვაქცინა გაიკეთონ. ამის შესახებ პაპ ფრანცისკეს მიმართვაშია ნათქვამი.
როგორც რომის პაპი აღნიშნავს, ვაქცინაცია არის მარტივი, თუმცა საფუძვლიანი გზა საერთო სიკეთისა და ერთმანეთზე ზრუნვისთვის. რომის პაპის განცხადებით, ვაქცინაცია პანდემიის დასრულების იმედს იძლევა და ის ყველასთვის ხელმისაწვდომი უნდა იყოს.
თავად რომის პაპი მიმდინარე წლის მარტში აიცრა, განაცხადა რა, რომ ეს მისი ეთიკური ვალდებულება იყო.
წყარო: ptn.ge