აშშ-ის ყოფილი პრეზიდენტი დონადლ ტრამპი აცხადებს, რომ აშშ-ის პრეზიდენტს ჯო ბაიდენს ის კრივის რინგზე ძალზე მარტივად, „რამდენიმე წამში“ დაამარცხებს. ამის შესახებ newsweek.com იუწყება.
ტრამპმა ეს ცნობილ მოკრივეებს, ევანდერ ჰოლიფილდს და ვიტორ ბელფორტს შორის ბრძოლის წინ განაცხადა. ჟურნალისტებმა ჰკითხეს ტრამპს, თუ ვის აირჩევდა ის რინგზე მოწინააღმდეგედ, თუ ამის შესაძლებლობა მიეცემა?
„ვინმესთან კრივში დაპირისპირება რომ მქონოდა, ვფიქრობ, რომ ყველაზე მარტივი მოწინააღმდეგე ჯო ბაიდენი იქნებოდა. ის ძალზე მარტივად წააგებდა. სულ რამდენიმე წამში ნოკაუტში ჩავაგდებდი“ – განაცხადა ტრამპმა.
ტრამპმა გაიხსენა ჯო ბაიდენის მიერ 2016 წელს გაკეთებული განცხადება, როდესაც ბაიდენმა დონალდ ტრამპი სპორტულ დარბაზში მიიწვია.