ბრიტანული როკჯგუფის Status Quo-ს დამფუძნებელი და გიტარისტი ალან ლანკასტერი 72 წლის ასაკში გარდაიცვალა. ინფორმაციას BBC-ი ავრცელებს.
მედიასაშუალების ცნობით, ის გაფანტული სკლეროზით იყო დაავადებული.ლანკასტერი საკუთარ სახლში, სიდნეიში გარდაიცვალა.
ლანკასტერმა Status Quo 1962 წელს ლონდონში, გიტარისტ ფრენსის როსისთან ერთად დააფუძნა. შემადგენლობის რამდენიმე ცვლილების შემდეგ 1967 წელს გახდა The Status Quo, ხოლო 1969 წელს – უბრალოდ Status Quo.
2008 წლის მონაცემით ჯგუფის ალბომების გაყიდვების სრული რაოდენობა შეადგენს 118 მილიონ ასლს. იგი 106 ჯერ გამოვიდა სატელევიზიო პროგრამა Top Of The Pops-ში, რაც ასევე ითვლება რეკორდად.