პოლიციამ ზუგდიდის საკრებულოს სხდომათა დარბაზიდან საკრებულოს ოპოზიციონერი, მოშიმშილე დეპუტატები ძალის გამოყენებით გაიყვანა. დაპირისპირებისას შეუძლოდ გახდა საკრებულოს წევრი მაია კალანდია.
საკრებულოს სხდომათა დარბაზიდან გაიტანეს ის ლეიბები და პირადი ნივთები, რომელიც მოშიმშილეებმა სხდომათა დარბაზში დღეს, 17 ნოემბერს შეიტანეს.
ზუგდიდის საკრებულოს ახლადარჩეული ოპოზიციონერი წევრები საკრებულოს სხდომათა დარბაზში დაბანაკდნენ, რათა წინა მოწვევის საკრებულოსთვის ბიუჯეტის მიღების საშუალებას არ მიეცათ.