გავრცელებული აზრი, რომ ომიკრონი იწვევს ნაკლებად მძიმე დაავადებას, ნაკლებ სიკვდილიანობასა და საშიში არ არის, აი, ეს მცდარი პოზიციაა, – ამის შესახებ ინფექციური საავადმყოფოს დირექტორმა თენგიზ ცერცვაძემ „იმედის“ გადაცემა „დილის შოუში“ განაცხადა.
მან განმარტა, თუ რატომ იწვევს „ომიკრონი“ მეტ სიკვდილიანობას, ვიდრე კორონავირუსის სხვა შტამები.
„ომიკრონი“ „დელტაზე“ და სხვა შტამებთან შედარებით 2-5-ჯერ მეტად, ანუ საშუალოდ, ინფიცირების 3-ჯერ მეტ შემთხვევას იძლევა. ჩვენთან შემთხვევები არ გასამმაგებულა, მაგრამ იქითკენ მივდივართ. იგი 2-3-ჯერ უფრო მსუბუქი მიმდინარეობისაა, ვიდრე „დელტას“ შტამი, მაგრამ არა ისეთი მსუბუქი, რომ საშიში აღარ იყოს – ის 2-ჯერ, მაქსიმუმ 3-ჯერ ნაკლებ ჰოსპიტალიზაციას იწვევს, ასევე 2-ჯერ, მაქსიმუმ 3-ჯერ ნაკლებ სიკვდილიანობის შემთხვევებს. „ომიკრონს“ კი ახასიათებს მსუბუქი მიმდინარეობა, მაგრამ აბსოლუტურ რაოდენობაში, მთელ მსოფლიოში მოიმატა როგორც ჰოსპიტალიზაციამ, ასევე სიკვდილიანობამ. შედარებით მსუბუქია, მაგრამ დიდი რაოდენობით ახალი შემთხვევების ხარჯზე მეტ სიკვდილიანობას იწვევს“, – განაცხადა ცერცვაძემ.
“ალია’