ჯო ბაიდენის თქმით, აშშ-ის სამხედრო ძალები უკრაინისა და რუსეთის კონფლიქტში არ ჩაერევიან. ამის შესახებ აშშ-ის პრეზიდენტმა თეთრ სახლში გამართულ ბრიფინგზე განაცხადა, რომელზეც რუსეთის წინააღმდეგ ახალი სანქციები დააანონსა.
„ჩვენი ძალები ევროპაში არა უკრაინაში საბრძოლად, არამედ ჩვენი ნატოელი მოკავშირეების დასაცავად მიემგზავრებიან. შეერთებული შტატები ნატოს ტერიტორიის თითოეულ სანტიმეტრს ამერიკული ძალის სრული სიმძლავრით დაიცავენ“, – განაცხადა ბაიდენმა.