გერმანიის კანცლერი ოლაფ შოლცი გაღიზიანებულია, რომ უკრაინის პრეზიდენტმა გერმანიის პრეზიდენტთან შეხვედრა არ მოისურვა. ამასთან დაკავშირებით, გერმანიის კანცლერმა, RBB-ს საზოგადოებრივ რადიოში ისაუბრა.
“პრეზიდენტს სურდა უკრაინაში წასვლა და უკრაინის პრეზიდენტთან შეხვედრა. კარგი იქნებოდა, რომ ის კიევში მიეღოთ. არ მინდა დამატებითი კომენტარის გაკეთება. ცოტა გამაღიზიანებელია, ძნელია ამაზე ზრდილობიანი იყო”, – თქვა შოლცმა.
კითხვაზე, გეგმავს თუ არა ის თავად კიევში ვიზიტს, შოლცმა თქვა, რომ ის უფრო რეგულარულ კონტაქტშია ზელენსკისთან, ვიდრე სხვა ნებისმიერი დასავლელი პოლიტიკოსი.
გერმანიის პრეზიდენტი, ფრანკ-ვალტერ შტაინმაიერი პოლონეთის, ესტონეთის, ლიტვისა და ლატვიის პრეზიდენტებთან ერთად აპირებდა კიევში ჩასვლას, თუმცა გერმანულმა გამოცემა Bild-მა წერს, რომ უკრაინის პრეზიდენტ, ვოლოდიმირ ზელენსკის მასთან შეხვედრა არ სურდა.
“რეზონანსი”