რუსეთის დუმის სპიკერი ვიაჩესლავ ვოლოდინი მიიჩნევს, რომ უკრაინა ტერორისტულ სახელმწიფოდ უნდა იქნეს აღიარებული. ამის შესახებ ვოლოდინი ტელეგრამის საკუთარ არხზე წერს.
„უკრაინა ტერორისტულ სახელმწიფოდ უნდა იყოს აღიარებული მას შემდეგ, რაც კიევმა დაიწყო ტერორისტული თავდასხმების დაგეგმვა რუსი ჟურნალისტების წინააღმდეგ, პრეზიდენტი ვოლოდიმირ ზელენსკი პასუხისგებაში უნდა მიეცეს.
საკუთარი ხალხის წინააღმდეგ ომის გაჩაღების შემდეგ, კიევის „რეჟიმი“ ტერორისტულ თავდასხმებზე გადავიდა. სწორედ ეს არის ნაცისტების ქმედება უკრაინაში. სწორედ ამიტომ უნდა მოხდეს ორი საკითხის მკაფიოდ აღიარება. პირველი – უკრაინა უნდა ვაღიაროთ როგორც ტერორისტული სახელმწიფო, მეორე – ზელენსკიმ მომხდარზე პასუხი უნდა აგოს“, – განაცხადა ვოლოდინმა და დასძინა, რომ „უკრაინაში რუსეთის ფედერაციის მიერ „სპეციალური სამხედრო ოპერაციის“ დაწყება დროული და სწორი იყო.