უკრაინაში კიდევ ერთი ქართველი მოხალისე 46 წლის ვიტალი ორბელაძე, მეტსახელად „გრუზინი“ დაიღუპა. ამის შესახებ Sova News იტყობინება.
მედიის ინფორმაციით, ტრაგედია 23 აპრილს მოხდა, თუმცა ამის შესახებ მხოლოდ ახლა გახდა ცნობილი.
პირველადი ცნობებით, იგი ხარკოვის ოლქის ქალაქ იზიუმთან ბრძოლაში დაიღუპა. ასევე, ვრცელდება ინფორმაცია, რომ ვიტალი ორბელაძე კიევში ცხოვრობდა. მას ექვსი შვილი და ოთხი შვილიშვილი დარჩა.
ცნობისთვის, 24 თებერვლიდან უკრაინაში, უკვე 10 ქართველი სამხედრო მოხალისე დაიღუპა.