დედაქალაქის მერიის პროექტის – „თბილისის ცის ქვეშ“ ფარგლებში, სამგორის რაიონის ორგანიზებითა და „ჰუალინგ ჯგუფის“ მხარდაჭერით, ჰუალინგის პარკში მასშტაბური ღონისძიება გაიმართა. ფესტივალი საბავშვო-გასართობ, სპორტულ და კულტურულ აქტივობებს მოიცავდა.
თბილისის მერიის ინფორმაციით, ღონისძიების იდეა სამგორის რაიონის ახალგაზრდებს ეკუთვნოდათ და ღონისძიებაც მათივე ჩართულობით გაიმართა.
საბავშვო პროგრამის ფარგლებში, პატარებისთვის გაიმართა ანიმაციური ფილმების ჩვენება დიდ ეკრანზე, ასევე, წარმოდგენილი იყო მოძრაობის თეატრი, კონტაქტური ზოოპარკი, ფრანების, მასკოტების, ანიმატორების, საპნის ბუშტების შოუ. სპორტული აქტივობების ფარგლებში, ჩატარდა კიკ-ბოქსისა და ჭიდაობის მასტერკლასი; მოეწყობა ფრენბურთის სივრცე, მაგნიტური დართსი, ბურთის სროლა მიზანში და სხვა. სტარტაპერების სივრცეში გაიმართა ყვავილებისა და ხელნაკეთი ნივთების გამოფენა-გაყიდვა, ხატვის მასტერკლასიც.
ფესტივალი დაიხურა მუსიკალური პროგრამით, რომლის ფარგლებშიც მაყურებლის წინაშე წარდგნენ ჯგუფი „ურსა“ და „გელა გნოლიძე & ღამის შოუს ბენდი.
“იმედინიუსი”