სერბეთის პრეზიდენტთან გამართულ ერთობლივ პრესკონფერენციაზე თურქეთის პრეზიდენტმა, რეჯეფ თაიფ ერდოღანმა განაცხადა, რომ თურქეთი უკრაინისა და რუსეთის მიმართ დაბალანსებულ პოლიტიკას ახორციელებს და მომავალშიც ასე იქნება.
„ცალსახად შემიძლია ვთქვა, რომ არ მიმაჩნია მართებულად დასავლეთის დამოკიდებულება რუსეთის მიმართ, რადგან დასავლეთი პროვოკაციაზე დაფუძნებულ პოლიტიკას მისდევს. როგორც ჩანს, რუსეთ-უკრაინის ომი მალე არ დასრულდება. ვეტყვი მათ, ვინც სათანადოდ ვერ აფასებს რუსეთს: ამას არასწორად აკეთებთ. რუსეთი არ არის ის ქვეყანა, რომლის სათანადოდ არდაფასება შეიძლება“, – აღნიშნა თურქეთის ლიდერმა.