მამა უმძიმეს მდგომარეობაშია, გამიხარდება მასთან ექსპერტი რომ შეუშვან და ტახტზე ჩამომჯდარი მაინც დავინახო – ამის შესახებ საქართველოს მესამე პრეზიდენტის, მიხეილ სააკაშვილის შვილმა, ნიკოლოზ სააკაშვილმა განაცხადა.
“აქამდე რომ ვნახულობდი მამას, ყოველთვის შეეძლო მოკლე მანძილით სიარული. ახლა ძალიან შთამბეჭდავი იყო ჩემთვის, რომ წევს და ვერ დგება. ძალიან მოკლე, 2 მეტრი მანძილის გასავლელად სჭირდება სასიარულო ხელსაწყო. რაც ახლა ხდება, მართლაც ძალიან სანერვიულოა. გამიხარდება, რომ მასთან ექსპერტი მაინც შეუშვან, რაიმე პროგრესი იყოს და ტახტზე ჩამომჯდარი მაინც დავინახო”, – აღნიშნა ნიკოლოზ სააკაშვილმა.