მიხაილო პოდოლიაკის შეფასებით, რუსეთის პატრიარქის მოწოდება „საშობაო ზავის“ გამოცხადების შესახებ „ცინიკური ხაფანგია“. ამის შესახებ უყრაინის პრეზიდენტის ოფისის ხელმძღვანელის მრჩეველმა „ტვიტერის“ საკუთარ გვერდზე დაწერა.
მისი თქმით, რუსეთის მართლმადიდებელი ეკლესია არ წარმოადგენს ავტორიტეტს გლობალური მართლმადიდებელი სამყაროსთვის და არის „ომის პროპაგანდისტი“.
პოდოლიაკის განცხადებით, რუსული ეკლესია ხშირად გამოდიოდა უყრაინელების გენოციდის მოწოდებით და რუსეთის უფრო მეტად მილიტარიზაციის მომხრე იყო.
შეგახსენებთ, 5 იანვარს პატრიარქი კირილი გამოვიდა მოწოდებით, რომ უყრაინასთან „საშობაო ზავი“ გამოცხადდეს, რათა მართლმადიდებლებმა დღესასწაულზე ტაძრების მონახულება თავისუფლად შეძლონ.