რუსეთის პატრიარქი კირილი „საშობაო ზავის“ გამოცხადების მოწოდებით გამოდის. კირილი გამოვიდა ინიციატივით, რომ უკრაინასთან 6 იანვრის 12:00 საათიდან 7 იანვრის 24:00-მდე „საშობაო ზავი“ გამოცხადდეს.
თავის გამოსვლაში რუსეთის პატრიარქი გამოვიდა თხოვნით, რომ ცეცხლი შეწყდეს, რათა „მართლმადიდებელმა ხალხმა შეძლოს შობის ღამესა და ქრისტეშობის დღეს ტაძრებში მისვლა და წირვაზე დასწრება“.
რუსეთის პატრიარქის განცხადება რუსეთის საპატრიარქოს ოფიციალურ ვებგვერდზე გამოქვეყნდა.