ეს კამპანია მალე ესებუამდეც მივა – კრიმინალების დაცვის მიმართულებით ისეთი სწრაფი ტემპებით მიდიან, ბოლოს პოლიტიკურ კამპანიას ბადრი ესებუას გასათავისუფლებად წარმოიწყებენ, – ასეთია უმრავლესობის ლიდერის ირაკლი კობახიძის პოზიცია “მთავარი არხის” დირექტორის ნიკა გვარამიას გათავისუფლების მოთხოვნით დაფუძნებულ მოძრაობაზე.
კობახიძის შეფასებით, „ეს ყველაფერი სირცხვილია”.
„საქართველოში კანონი უნდა აღსრულდეს, სასჯელი უნდა აღსრულდეს. საქართველო არის სამართლებრივი სახელმწიფო და ეს პრინციპი აუცილებლად იქნება დაცული”, – განაცხადა ირაკლი კობახიძემ.
ცნობისთვის, „ნიკა გვარამიას თავისუფლების მოძრაობა“ დაფუძნდა. განცხადებები მოძრაობის წევრებმა რუსთავის ციხესთან გააკეთეს.