აშშ-ის სახელმწიფო დეპარტამენტის ინფორმაციით, „დიდი ოცეულის“ საგარეო საქმეთა მინისტრიალზე ენტონი ბლინკენისა და სერგეი ლავროვის ხანმოკლე შეხვედრა გაიმართა.
გავრცელებული ინფორმაციით, შეხვედრაზე, რომელიც ათი წუთი გაგრძელდა, აშშ-ის სახელმწიფო მდივანმა რუსეთის საგარეო საქმეთა მინისტრს ყოფილი ამერიკელი საზღვაო ქვეითის, პოლ ველანის გათავისუფლებისა და სტრატეგიული შეიარაღების შემცირების ხელშეკრულებაში მონაწილეობისკენ მოუწოდა.
გარდა ამისა, ენტონი ბლინკენმა კიდევ ერთხელ დაადასტურა აშშ-ის მხრიდან უყრაინის მხარდაჭერა.
„დასავლეთი უკრაინის გვერდით დადგება იმდენ ხანს, რამდენიც საჭირო იქნება“, – უთხრა ენტონი ბლინკენმა სერგეი ლავროვს.
რუსეთის საგარეო საქმეთა სამინისტროს ინფორმაციით, ბლინკენმა და ლავროვმა მხოლოდ გაისაუბრეს და მოლაპარაკებები არ ყოფილა.