საქართველოს პარლამენტში ინიცირებულ კანონპროექტებს „უცხოური გავლენის გამჭვირვალობისა“ და „უცხოელი აგენტების რეგისტრაციის შესახებ“ საქართველოს წიგნის გამომცემელთა და გამავრცელებელთა ასოციაცია და ქართველი გამომცემლები ეხმაურებიან.
როგორც განცხადებაშია აღნიშნული, კანონპროექტების არსი ეწინააღმდეგება მოქალაქეების მოთხოვნას და ევროპულ მისწრაფებებს.
„საქართველოს წიგნის გამომცემელთა და გამავრცელებელთა ასოციაცია და ქართველი გამომცემლები ბოლონიის საბავშვო წიგნის ბაზრობიდან ეხმაურებიან საქართველოს პარლამენტის ინიცირებული კანონ-პროექტების განხილვის პროცესს და უერთდებიან ქართველი ხალხის საერთო მოთხოვნას – არა რუსულ კანონს!
ჩვენ გვჯერა, რომ საქართველოს მომავალი ევროპაშია და მისთვის უნდა ვიბრძოლოთ!“, – ნათქვამია განცხადებაში.