„ვაშინგტონ პოსტის“ ცნობით, აშშ-ის თხოვნით, უყრაინამ აშშ-ის თხოვნით გადადო ომის წლისთავისთვის რუსეთის ტერიტორიაზე დაგეგმილი თავდასხმები. როგორც გავლენიანი ამერიკული გამოცემა წერს, უყრაინა 2023 წლის 24 თებერვალს გეგმავდა, დარტყმები მიეტანა მოსკოვზე, თუმცა ვაშინgტონის თხოვნით, უარი თქვა ამ განზრახვაზე.
„ვაშინგტონ პოსტი“ წერს, რომ აშშ-ის ეროვნული უსაფრთხოების სააგენტოს საიდუმლო ანგარიშის მიხედვით, მოსკოვზე იერიშების მომზადების განკარგულება უყრაინის სამხედრო დაზვერვის ხელმძღვანელმა, კირილ ბუდანოვმა გასცა. როგორც იუწყებიან, უყრაინაში ასევე განიხილებოდა „ტროტილის“ გამოყენებით საზღვაო დარტყმა რუსეთის შავი ზღვის პორტ ნოვოროსიისკზეც.
„ვაშინგტონ პოსტის“ მიხედვით, ვაშინგტონში შეშფოთებული იყვნენ, რომ რუსეთის ტერიტორიაზე დარტყმებს შესაძლოა, კრემლის აგრესიული რეაქცია მოჰყოლოდა.
„უკრაინას, რომელიც მიისწრაფვის, გადაიტანოს საბრძოლო მოქმედებები რუსეთის ტერიტორიაზე, ხანდახან აკავებს აშშ, რომელიც თანმიმდევრულად ცდილობს, აირიდოს კონფლიქტის ესკალაცია, ამერიკული და რუსული ძალების პირდაპირი შეტაკება“, – წერს „ვაშინგტონ პოსტი“.
სტატიაში ასევე ნათქვამია, რომ ამერიკული დაზვერვა სავარაუდოდ, უთვალთვალებს უყრაინის სამხედრო დაზვერვის მეთაურ კირილ ბუდანოვს, თუმცა ამ უკანასკნელმა ეს იცის. „ვაშინგტონ პოსტის“ ცნობით, ბუდანოვის უწყება ასევე აპირებდა, თავდასხმა მოეწყო მალიში დისლოცირებული კერძო რუსული სამხედრო კომპანია „ვაგნერის“ წევრებზეც და ასევე სირიაში მყოფ რუს სამხედროებზე, რაც ქურთი მებრძოლების საიდუმლო დახმარებით უნდა მომხდარიყო. სტატიაში ასევე ნათქვამია, რომ აშშ უკრძალავს უყრაინას, გამოიყენოს ამერიკული იარაღი რუსეთზე დარტყმებისთვის.