საქართველოს საგარეო საქმეთა მინისტრი, ილია დარჩიაშვილი ისრაელის ქნესეთის სპიკერს, ამირ ოჰანას შეხვდა.
საგარეო საქმეთა სამინისტროს ცნობით, ხაზი გაესვა საქართველოსა და ისრაელის ისტორიულ მჭიდრო მეგობრობას და ორი ქვეყნის პარტნიორული ურთიერთობების შემდგომი განვითარების პერსპექტივებს.
„მხარეებმა საპარლამენტო ურთიერთობების გაღრმავებასა და ორ ქვეყანას შორის სხვადასხვა სფეროში თანამშრომლობის საკითხებზე ისაუბრეს. აღინიშნა საპარლამენტო დიპლომატიის, როგორც ქვეყნებს შორის მულტიდისციპლინური თანამშრომლობის განვითარების როლი და მნიშვნელობა.
ასევე აღინიშნა საქართველო-ისრაელის საპარლამენტო მეგობრობის ჯგუფების ნაყოფიერი საქმიანობა და მაღალი დონის გაცვლითი ვიზიტების მნიშვნელობა“, – აღნიშნულია ინფორმაციაში.