ვლადიმირ პუტინი და ვლადიმერ ზელენსკი დათანხმდნენ, რომ მიიღონ აფრიკული ქვეყნების მისია, რომელიც სამშვიდობო გეგმას წარადგენს, – ამის შესახებ სამხრეთ აფრიკის რესპუბლიკის პრეზიდენტმა, სირილ რამაფოსამ განაცხადა.
რამაფოსამ თქვა, რომ სამშვიდობო გეგმას მხარს უჭერენ სენეგალის, უგანდისა და ეგვიპტის ლიდერები.
მისივე თქმით, ინფორმაცია ასევე გადაეცა გაერო-ს გენერალურ მდივანს, აშშ-სა და ბრიტანეთს.
„ორ ლიდერთან ჩემმა დისკუსიამ აჩვენა, რომ ისინი მზად არიან, მიიღონ აფრიკელი ლიდერები და განიხილონ, თუ როგორ შეიძლება, დასრულდეს ეს კონფლიქტი. გეგმა წარმატებას მიაღწევს თუ არა, დამოკიდებული იქნება დისკუსიებზე, რომელიც გაიმართება“, – განაცხადა სირილ რამაფოსამ.