სინოპტიკოსების პროგნოზით, 16 ივნისს საქართველოში სითბოს ფონზე წვიმიანი ამინდი შენარჩუნდება, ზოგან ელჭექით, აღმოსავლეთ საქართველოში კი შესაძლებელია სეტყვა.
ჰაერის ტემპერატურა დღის საათებში დაბლობსა და ბარში +26, +31 გრადუსი იქნება.
გარემოს ეროვნული სააგენტოს ცნობით, 17 ივნისს ქვეყანაში გამოიდარებს, ხოლო 18 ივნისიდან ისევ წვიმიანი ამინდია მოსალოდნელი.
აღმოსავლეთ საქართველოში ზოგან შესაძლოა ძლიერი წვიმა და სეტყვა აღინიშნოს.
თბილისში ხანმოკლე წვიმაა მოსალოდნელი. ჰაერის ტემპერატურა დღის საათებში +29, +31 გრადუსი დაფიქსირდება.