რუსეთის თავდაცვის მინისტრის სერგეი შოიგუს განცხადებით, ამა წლის ივნისის ბოლომდე „სარეზერვო არმია“ ჩამოყალიბდება, რომლის შეიარაღებაზე ათასობით ტექნიკის ერთეული იქნება.
აღნიშნული განცხადება სერგეი შოიგუმ რუსეთის ფედერაციის ვლადიმირ პუტინისთვის ჩაბარებულ მოხსენებაში გააკეთა.
„არმიის კორპუსის შემადგენლობაში ვაყალიბებთ რეზერვებს, პლუს ამას მე-20 სატანკო არმიის ხუთი პოლკი. ფაქტობრივად, ივნისის ბოლომდე დავასრულებთ სარეზერვო არმიის და ასევე უახლოეს მომავალში არმიის კორპუსის ჩამოყალიბებას”, – განაცხადა რუსეთის თავდაცვის უწყების ხელმძღვანელმა.
მისივე თქმით, „სარეზერვო არმია“ ტექნიკის 3700-ზე მეტ ერთეულს მიიღებს.