გასული წლის სექტემბერში ოქროს მკვეთრად, 1630 დოლარამდე გაიაფების შემდეგ, საერთაშორისო ბირჟაზე ფასები იზრდება და ამჟამად 1 უნციის ღირებულება 1,900 დოლარის ფარგლებშია.
ამ პირობებში, იზრდება ოქროს ექსპორტი საქართველოდანაც. საქართველოს სტატისტიკის ეროვნული სამსახურის მონაცემებით, მიმდინარე წლის პირველ 5 თვეში ქვეყნიდან 38.2 მლნ აშშ დოლარის ღირებულების 1.29 ტონა ოქრო გავიდა.
წინა წლის ანალოგიურ პერიოდში კი ექსპორტზე 35.1 მლნ აშშ დოლარის 1.09 ტონა ოქრო გავიდა. მაჩვენებლები, შესაბამისად, 8.8%-ითა და 18.3%-ითაა გაზრდილი.
წელს ოქრო მხოლოდ სამ ქვეყანაში გავიდა, ესენია:
- შვეიცარია – 32.1 მლნ აშშ დოლარი;
- არაბთა გაერთიანებული საამიროები – 1.4 მლნ აშშ დოლარი;
- თურქეთი – 4.7 მლნ აშშ დოლარი.