ოპოზიციონერი დეპუტატი იაგო ხვიჩია აცხადებს, რომ როსტომ ჩხეიძე პარლამენტში კვორუმის შევსებაში ხელისუფლებას ეხმარებოდა.
როგორც იაგო ხვიჩიამ აღნიშნა, ოპოზიციის წარმომადგენლები შეთანხმდნენ, რომ თავდაცვის კოდექსისთვის მხარი არ დაეჭირათ.
„მინდა, ერთი „ჩათლახობის“ შესახებ მოგიყვეთ, რომელიც დღეს ოპოზიციის შიგნით მოხდა. მიუხედავად იმისა, რომ წარმატებით დასრულდა ჩვენი ღონისძიება, დღეს ქოცებს კვორუმი არ ჰქონოდა და იმავე მეთოდით დავუპირისპირებოდით, რითაც საგამოძიებო კომისიის შექმნას დაუპირისპირდნენ. ოპოზიციაში აღმოჩნდა ხალხი, მიუხედავად იმისა, რომ გაფრთხილებული იყო, რეგისტრაცია არ გაევლო, ბატონი როსტომ ჩხეიძე, ღვაწლმოსილი ადამიანი, რომელიც სხვა პროფესიაში წარმატებით არის ცნობილი, დღეს იქცეოდა თაღლითურად და რეგისტრირდებოდა ქოცების დასახმარებლად სხვა დეპუტატების სახელითაც. მან მხარი დაუჭირა დღეს სხდომის გახსნას და მონაწილეობა მიიღო რეგისტრაციაში არა მხოლოდ თავისი სახელით, არამედ ნიკა მაჭუტაძის, თაკო ჩარკვიანის, გუბაზ სანიკიძის სახლით, რომლებიც დღეს პარლამენტში საერთოდ არ ყოფილან. ჩვენ ამ ყველაფერს გავშიფრავთ. ჰერმან საბომ, რომელიც ათვალიერებდა პარლამენტს, რა ხდებოდა, გამოიჭირა ბატონი როსტომი, რომ რამდენიმე ადგილზე თითს აჭერდა სხვადასხვა ღილაკებზე და უყვირა – რას სჩადიხართ ბატონო როსტომო! მან ამის შემდეგ ამ საქმის კეთებას თავი დაანება, თორემ ამ ოთხი ადამიანის გარდა, კიდევ უფრო მეტს დაარეგისტრირებდა და ღიად დაეხმარებოდა ქოცებს იმაში, რომ დღეს გაგრძელებულიყო ეს ჯარის გამანადგურებელი კანონის მიღება“, – განაცხადა იაგო ხვიჩიამ.