ნატოს ვილნიუსის სამიტის გადაწყვეტილებები რუსეთის პრეზიდენტმა ვლადიმირ პუტინმა აღიქვა, როგორც გამბედაობის ნაკლებობა, ვინაიდან უკრაინას ნატოში წევრობა არ შესთავაზეს. უკრაინული მედიის ცნობით, ამის შესახებ უკრაინის საკითხებში აშშ-ის სახელმწიფო დეპარტამენტის ყოფილმა სპეცწარმომადგენელმა, კურტ ვოლკერმა განაცხადა.
მისივე თქმით, ვლადიმირ პუტინის გადასახედიდან ეს ნატოს მხრიდან ყოყმანზე მიანიშნებს.
„ისეთი გადაწყვეტილებები, როგორებიცაა MAP-ის მოხსნა, უკრაინა-ნატოს კომისიის საბჭოთი ჩანაცვლება, ოპერატიული თავსებადობის მიღწევაში უკრაინის დახმარება – ეს ყველაფერი კარგი და პოზიტიურია. ეს აჩვენებს ნატოს კეთილ ნებას, მაგრამ პუტინის გადასახედიდან, ეს არის ყოყმანი, გამბედაობის ნაკლებობა, ვინაიდან უკრაინას ნატოში წევრობა არ შესთავაზეს“, – აცხადებს კურტ ვოლკერი.