თინა ბოკუჩავა – ევროკავშირის ანგარიში სინამდვილეში ძალიან კრიტიკული და მძიმეა, „რუსული ოცნება“ ყველაფერს უკუღმა კითხულობს

ევროკავშირის ანგარიში სინამდვილეში ძალიან კრიტიკული და მძიმეა, სადაც აღნიშნულია, რომ სერიოზული პრობლემებია მართლმსაჯულების სისტემაში, კორუფციის მიმართულებით და ინსტიტუციების დამოუკიდებლობის თვალსაზრისით, – ამის შესახებ „ნაციონალური მოძრაობის“ წევრმა, თინა ბოკუჩავამ განაცხადა.

მისი თქმით, „რუსული ოცნება“ ყველაფერს უკუღმა კითხულობს და ამ თვალსაზრისით გამონაკლისს არც ევროკავშირის ანგარიში წარმოადგენს.

„სინამდვილეში, ანგარიში ძალიან კრიტიკული და მძიმეა, სადაც აღნიშნულია, რომ სერიოზული პრობლემებია მართლმსაჯულების სისტემაში, კორუფციის მიმართულებით და ინსტიტუციების დამოუკიდებლობის თვალსაზრისით. ეს ის მოთხოვნები, რომელსაც ევროკავშირი საქართველოს უყენებს იმისთვის, რომ ქვეყანამ კანდიდატის სტატუსი მიიღოს და ევროინტეგრაციის გზაზე სვლა წარმატებით გავაგრძელოთ“, – განაცხადა ბოკუჩავამ.