პოლონეთის პრემიერ-მინისტრ მატეუშ მორავეცკის თქმით, „ვაგნერის“ მებრძოლები ბელარუსში ნატო-ს აღმოსავლეთ ფლანგის დესტაბილიზაციისთვის გადაისროლეს. მორავეცკი აღნიშნავს, რომ პოლონეთისა და ლიეტუვის შეფასებით, ბელარუსში ამჟამად „ვაგნერის“ 4000-მდე დაქირავებული იმყოფება, რომელთა გამოყენებაც პროვოკაციული მიზნებით არის შესაძლებელი.
„ჩვენ მზად უნდა ვიყოთ იმისთვის, რომ პროვოკაციების რიცხვი გაიზრდება“, – აღნიშნა პრემიერ-მინისტრმა ლიეტუვის პრეზიდენტ გიტანას ნაუსედასთან შეხვედრის შემდეგ.
აღსანიშნავია, რომ ბელარუსში „ვაგნერელების“ ბანაკის განთავსების შემდეგ, პოლონეთის ხელისუფლებამ აღმოსავლეთ საზღვართან შეიარაღებული ძალების გაძლიერება დაიწყო.
წყარო: ბიბისი