ჩრდილოეთ კორეის ლიდერი კიმ ჩენ ინი რუსეთის პრეზიდენტ ვლადიმირ პუტინს ხვდება. ბოლოს ისინი ერთმანეთს 2019 წელს ვლადივოსტოკში შეხვდნენ.
ამჟამად შეხვედრა კვლავ შორეულ აღმოსავლეთში, კოსმოდრომ ვოსტოჩნიზე იმართება. კიმ ჩენ ინი იქ თავისი მწვანე მატარებლით ჩავიდა, სადაც წითელ ხალიჩაზე მოპირკეთებული კიბე იყო განთავსებული, ზუსტად იმ ადგილას, სადაც კიმი უნდა ჩამოსულიყო.
როგორც ჩრდილოეთ კორეის, ისე რუსეთის დელეგაციებში მაღალჩინოსანი დიპლომატები და სამხედრო მეთაურები შედიან. კიმ ჩენ ინის გვერდით იმყოფება მისი გავლენიანი და, კიმ იო ჯონგი.
შეხვედრისას პუტინი და კიმ ჩენ ინი ერთმანეთს გაესაუბრნენ, მოგვიანებით კი კოსმოდრომის ობიექტები დაათვალიერეს.