ლატვიაში სამართალდამცველებს შეუძლიათ დააჯარიმონ მანქანების მფლობელები, რომლებზეც შეამჩნევენ სტიკერს წარწერით „მე რუსი ვარ“.
„წარწერის აღმოჩენისთანავე სამართალდამცველები მათ დაუყოვნებლივ მოხსნას მოითხოვენ, ხოლო კანონდარღვევის დადგენის შემთხვევაში, „პროვოკაციული წარწერების“ გამომქვეყნებელი მოქალაქეები დაჯარიმდებიან“, – აცხადებენ ლატვიის პოლიციაში.
უწყებაში განმარტეს, რომ არსებული გეოპოლიტიკური მდგომარეობის გათვალისწინებით, მსგავსი შინაარსის სტიკერები შეიძლება აღქმულ იქნეს, როგორც სამხედრო აგრესიის გზავნილი ან რუსეთის ომის დანაშაულების მხარდაჭერის გამოხატვა.