ისრაელის თავდაცვის ძალების მიერ ღამით ჩატარებული სახმელეთო ოპერაციის დროს რამდენიმე ადგილას „ჰამასის“ მებრძოლებთან შეტაკებებს ჰქონდა ადგილი, თუმცა ისრაელის მხრიდან არავინ დაშავებულა. ამის შესახებ ინფორმაციას „ცაჰალი“ ავრცელებს.
მათივე ცნობით, ამ დროისთვის ქვეითები, საბრძოლო საინჟინრო ძალები და ტანკები კვლავ რჩებიან ღაზის სექტორში, ვინაიდან სახმელეთო ოპერაცია გრძელდება.
ამასთანავე, ისრაელის თავდაცვის ძალების ცნობით, გასული ღამის განმავლობაში საჰაერო ძალებმა „ჰამასის“ კუთვნილ 150-მდე მიწისქვეშა ობიექტზე მიიტანეს იერიში.