რისკებს ვაფასებ ფხიზლად, არ მეშინია. ჩემ წინააღმდეგ აღძრული სისხლის სამართლის საქმეები საპრეზიდენტო კამპანიაში მონაწილეობაში ხელს არ შემიშლის, – ამის შესახებ უკრაინის პრეზიდენტის ადმინისტრაციის ხელმძღვანელის ყოფილმა მრჩეველმა, ალექსეი არესტოვიჩმა ერთ-ერთ ინტერვიუში განაცხადა.
ჟურნალისტმა არესტოვიჩს მიმართა კითხვით, იმის ფონზე, რომ მან ვოლოდიმირ ზელენსკის, პრაქტიკულად, უწოდა დიქტატორი, როგორ აფასებს რისკებს, რომელიც მის საპრეზიდენტო არჩევნებში მონაწილეობასთან არის დაკავშირებული.
„პარტნიორების მიწვევით საზღვარგარეთ ვიმყოფები, სადაც ბევრ შეხვედრაზე მთავარი სპიკერი ვარ. რისკები საკმარისად ბევრია. რა არ მიწოდეს, მოღალატიდან დაწყებული, სისხლის სამართლის დამნაშავით დამთავრებული. არის სისხლის სამართლის საქმეები, რომლებიც ჩემ წინააღმდეგ აღძრულია უმაღლესი რადას დეპუტატების მიერ და ეს აჩვენებს, როგორ ატმოსფეროშია ახლა უკრაინა. ყველაფერი ამის ცვლილებაა საჭირო. რისკებს ვაფასებ ფხიზლად, სრულიად არ მეშინია. აღძრული სისხლის სამართლის საქმეები ხელს არ შემიშლის საპრეზიდენტო კამპანიაში მონაწილეობაში. ადამიანი არის უდანაშაულო, ვიდრე არ იქნება სასამართლოს გადაწყვეტილება. არ ვფიქრობ, რომ სასამართლოს გადაწყვეტილება იქნება“, – ალექსეი არესტოვიჩმა.
ამასთან, არესტოვიჩი „ფეისბუქის“ გვერდზეც გამოეხმაურა გადაწყვეტილებას, რომლის მიხედვითაც, უკრაინის უსაფრთხოების სამსახური მის საქმიანობას იძიებს.
„უკრაინის უსაფრთხოების სამსახურის თანამშრომლები იძულებულნი არიან, ჯაშუშების ნაცვლად, პოლიტიკური ოპოზიციის დევნა განახორციელონ. მოვა დრო და უსაფრთხოების სამსახურის თანამშრომლები დაკავდებიან მათით, ვინც ეს გააკეთა. მხოლოდ რეალურად“, – აღნიშნა არესტოვიჩმა.